Occasional Girlfriend

omiko

Seryosong bagay na daw ito, sabi mo... Mukhang iba na kase yung sitwasyon... Akala ko pa naman madali lang mabuhay sa paligid mo... Hindi pala... Tsaka ang alam ko sa sarili ko bago kita makilala hindi ko preference ang mga tulad mo... Wala akong itinago sa'yo... Lahat ng mga worries ko tungkol sa issue sa ating dalawa o yung mga iniisip ng mga tao sa totoong score sa bigla nating pagiging malapit sa isa't isa, lahat sinabi ko sa'yo yun... Kase alam kong ikaw lang ang pwede kong sabihan nun ngayon na walang bias judgement... Alam kong mas alam mo kung ano ang dapat gawin sa sitwasyon kase halos lahat siguro napagdaanan mo na tungkol sa ganitong mga pagkakataon... Komportable akong sabihin sa'yo lahat ng nasa loob ko dahil alam kong maiintindihan mo...

Tapos.......

Bigla ka na lang nag-sorry sakin dahil sabi mo, nagulo mo ang mundo ko... Humingi ako nang paliwanag... Sabi mo kung hindi naman ako naging malapit sa'yo hindi sila magdududa sa preference ko... Tapos sabi mo hindi mo na ako kukulitin... Natatakot ka na kase na baka ma-convert mo na nga ako... Sinabi kong wala silang pakiaalam pero parang nakagawa ka na ng desisyon mo... Sumunod na araw na nagkita tayo, parang hindi na ikaw yung taong huli kong nakausap sa pag-uwi natin kahapon... Pakiramdam ko, gumawa ka na talaga ng distansya sa pagitan nating dalawa... Hindi mo ako iniiwasan pero hindi ka na nangungulit sakin tulad ng dati... Parang may malaking parte ng araw ko ang nawala dahil bigla ka na lang naging ganyan... Ngayon, dahil sa ginagawa mo, lalo tuloy akong nagdududa sa sarili ko... Pakiramdam ko, may posibilidad talaga na magpalit ang preference ko... Tapos kung kailan kailangan ko ng tulong mo tsaka mo pa naisipang umiwas... Sino na sasabihan ko ngayon ng trouble ko tungkol sa preference ko?... Paano nga kung posible talaga?... May magagawa ka ba?...

Nga pala......

Nakakaramdam na rin ako ng selos kapag may ibang lumalapit sa'yo... Pakiramdam ko kase lahat yun gustong maging girlfriend mo... Ayoko silang makita at nasisira ang araw ko... Tulad kanina, yung babaeng pula ang buhok na nasa istasyon mo, gusto ko syang kalbuhin... Haaaayssss... Ano ba'ng ginawa mo sa'kin?...

p.s.

Thank you nga pala sa chocolate brownies na binili mo para sa dessert kanina... kahit na hindi ka na ganun kakulit, sweet ka pa rin...